Vísindaferð á aðalæfingu Þjóðleikhússins á Heddu Gabler, 1000kr!

Jæja kæru listfræðinemar, kærar þakkir fyrir góða mætingu í síðustu vísindaferð! Rosalega var gaman!
Það er komið að þeirri næstu og verður farið á æfingu hjá Þjóðleikhúsinu á sýningunni Heddu Gabler. Aðalæfingin er fyrirhuguð þri. 8. mars kl. 20:00 og kostar bara 1000 kr!!

Hægt er að lesa sér til um sýninguna hér: http://www.leikhusid.is/Syningar/Leikarid-2010-2011/syning/1075/hedda-gabler
Eftir vísindaferðina getum við haldið á Hressó í ódýran bjór og áframhaldandi skemmtun. En stór bjór á Hressó er einungis á 390 kr. fyrir þyrsta listfræðinema!

Endilega skráið ykkur einungis ef þið ætlið ykkur að mæta svo hægt sé að vita um raunfjölda! Hann þarf að senda henni Dóru í Þjóðleikhúsinu í síðasta lagi á miðvikud. 2. mars þannig að þið hafið 3 daga til að skrá ykkur á þessa þrusu sýningu!!

Bestu kveðjur Stjórnin

Vísindaferð í gallerí i8

Já í þetta skipti ætlum við að kíkja í gallerí i8 þar sem boðið verður upp á léttar veigar ásamt því að starfsemi gallerísins verður kynnt :D

Allir að mæta kl 18 í galleríið á Tryggvagötu 16, 101 Rvk, og stendur þetta svo lengi sem hentar. Gert er ráð fyrir rúmlega tveimur klukkustundum þar. 

Eftir vísindaferðina getum við rölt yfir á Hressó í ódýran bjór og áframhaldandi skemmtun. Stór bjór á Hressó er á einungis 390 kr fyrir þyrsta listfræðinema!!

 Endilega skráið ykkur einungis ef þið ætlið ykkur að mæta svo hægt sé að vita um raunfjölda

Bestu kveðjur Stjórnin

Vísindaferð í Vodafone

Kæru listfræðinemar.

Næstkomandi föstudag, 18. febrúar, er vísindaferð í Vodafone. Verða sex önnur nemendafélög í vísindaferðinni, bæði frá HR og HÍ. 

Mæting er stundvíslega kl 18 í Skútuvog 2. Eftir vísindaferðina er gert ráð fyrir að halda á Hressó í ódýran bjór og áframhaldandi skemmtun

Athugið að aðeins eru TÍU sæti laus, fyrsti kemur - fyrsti fær. Skráning fer fram í kommentakerfinu hér fyrir neðan.

Með kveðju, stjórnin.

listasafn, rauðvín og ostar

Kæru listfræðinemar.

Seinasti viðburður annarinnar verður haldinn fimmtudaginn 18. nóvember.

Ætlum við að hittast á Listasafni Reykjavíkur, Hafnarhúsinu, kl 20 og eftir það höldum við heim til Birkis að Ásvallargötu 17 í kringum 21 en þar verður boðið upp á rauðvín og osta.

Vonandi sjáum við sem flesta!

Með kveðju, stjórn Artímu

Artímarit

Kæru listfræðinemar.

Fyrst ber að nefna að nýr meðlimur hefur bæst við í stjórn Artímu, við bjóðum Katrínu I. Jónsdóttur velkomna.

Næsta mál er Artímaritið. Á það rit að koma út á vörönn og er unnið að nemendum listfræðinnar. Það var ekki gefið út á seinasta námsári en er það ætlun okkar að gefa það út næsta vor.

Við leitum að áhugasömum nemendum; annars vegar til þess að vinna í blaðinu, þ.e. að safna efni og auglýsingum, í raun halda utan um verkið og sjá til þess að það komi út. Hins vegar vantar efni í blaðið, en greinar þess eru eingöngu skrifaðar af nemendum listfræðinnar.

Ef þið hafið áhuga á að taka þátt eða viljið senda inn efni, endilega sendið póst á [e-mail].

Með kveðju, stjórn Artímu.

Vísindaferð í Símann

Kæru listfræðinemar

Okkur bauðst skyndilega að vera með Fróða, nemendafélagi sagnfræðinnar, í vísindaferð í Símann. 

Vísindaferðin er nk. föstudag 29. október í höfuðstöðvum Símans, Ármúla 25 og er mæting stundvíslega kl 17.

Athugið að AÐEINS 7 SÆTI eru laus fyrir okkur og gildir því reglan "fyrstir koma-fyrstir fá".

Endilega skráið ykkur hér að neðan (í kommenti) ef þið ætlið ykkur að mæta.

Með kveðju

Aðalheiður, Birkir og Hildur

HásKolaport

Kæru listfræðinemar.

Laugardaginn 6.nóvember mun Stúdentaráð í samstarfi við nemendafélögin standa fyrir HásKolaporti. Um er að ræða flóamarkað þar sem einstaklingum, félögum og hópum innan Háskóla Íslands býðst að selja föt og annan varning. Athugið að takmarkað framboð er á borðum og því gildir reglan fyrstir koma-fyrstir fá.

Nánari upplýsingar er að fá á www.facebook.com/event.php?eid=106619002736743

Einnig verður sendur póstur á alla nemendur HÍ með frekari upplýsingum.

Með kveðju, Artíma

Listfræðiferð í Þjóðleikhúsið á sýninguna Finnski hesturinn

Við í listfræðinni ætlum að skella okkur saman í Þjóðleikhúsið að sjá sýninguna Finnska hestinn sem er "Bráðfyndið og snargeggjað verk um mergjað fjölskyldulíf og mál sem brenna á Íslendingum í dag!"

Aðgangseyrir er 1800 krónur og þarf að ganga frá greiðslu í síðasta lagi 18. okt., en farið verður á sýninguna kl 20 föstudaginn 22.október. Þeir sem eiga greiðslukort/ áskriftarkort geta hringt í miðasöluna og pantað miða sem bíður þeirra í miðasölunni, aðrir geta svo komið við í miðasölunn...i og gengið frá kaupunum þar.

Þetta verður bindandi skráning þannig ekki skrá ykkur ef þið sjáið ekki fært að standa við mætinguna.

Eftir sýningu ætla María Reyndal leikstjóri og Ilmur Stefánsdóttir höfundur leikmyndar líklegast að spjalla við okkur um verkið.

Eftir leikhúsið ef áhugi er fyrir, getum við kíkt á kaffihús og fengið okkur í tána :D
Vonum að sem flestir komist, gaman að fara saman í leikhús!! :D

Kveðja Aðalheiður, Hildur og Birkir

Listasafn og bjór!

Kæru listfræðinemar

Næstkomandi fimmtudag, þann 7. október, ætlum við að kíkja á sýningar Listasafns Reykjavíkur (Hafnarhúsið) og fá okkur aðeins í aðra tána á Hressó. Góð tilboð verða í boði, en stór bjór er á 390 kr og mickey finns/eplasnafs skot eru einnig á 390 kr. Fyrir þá svanga er veittur 15% afsláttur af matseðli.

Mæting er á listasafnið kl 20:30, þeir sem eru búnir að sjá sýningarnar geta hitt okkur á Hressó eftir það, en áætlað er að við verðum þar kl ca 21:30. 

Hlökkum til að sjá ykkur!

Aðalheiður, Birkir og Hildur

Fyrirpartý fyrir Októberfest

Kæru listfræðinemar!

Fyrirpartý fyrir Októberfest verður haldið næsta föstudag með Fróða, nemendafélagi sagnfræðinema.

Herlegheitin verða haldin hjá stjórnarmeðlimi Fróða að Kleppsvegi 118, íbúð 6HH. Mæting er kl 18 og búist er við því að fara á Októberfest kl 23:30

Það verða einhverjar veigar í boði Artímu en sniðugt væri að koma einnig með sitt eigið.

Gott væri að skrá sig á atburð Artímu á facebook svo við sjáum hversu margir ætla sér að mæta frá okkur en almenn skráning fer fram á facebook síðu Fróða: http://www.facebook.com/event.php?eid=127403447312509&index=1

Með bjórhátíðar-kveðju

Aðalheiður, Hildur og Birkir