Samdrykkja Artímu og Soffíu

Artíma og Soffía, félag heimspekinema, ætla að halda Samdrykkju á föstudaginn (15.febrúar) kemur kl. 20:00 í kjallarnaum á Celtic Cross við Hverfisgötu. 

Kvöldið hefst með erindi Henry Alexander Henryssonar, heimspekings og listunnanda, „Hvað er list?“ en svo mun samræðan halda áfram fram eftir kvöldi. Einn úr hvorri grein mun leiða umræður ef til þarf. Kennurum hefur einnig verð boðið að mæta en annars er þetta mikið undir ykkur komið. Það verða tilboð á barnum fyrir félagsmenn Artímu og Soffíu gegn framvísun félagskírteina. 

Heimspekin er öflug þegar kemur að félagsstarfi og samræðum og mæting góð og því langar mig að hvetja ykkur öll til að koma og fjölmenna fyrir hönd listfræðinnar, svo talsmenn listarinnar hafi háværa rödd í umræðunni. 

Við hlökkum til að sjá ykkur. 

Artíma 

P.S. Ef þið viljið fá nánari skýringar eða langar að lesa ykkur til til að vita meira er velkomið að hafa samband. Við svörum með glöðu. [e-mail]

SAFNANÓTT Á FÖSTUDAGINN -

Safnanótt er á föstudaginn en er hluti af Vetrarnótt sem hefst á morgun. 

Safnanótt er frábær skemmtun og nauðsynleg áhugafólki um myndlist og Artíma ætlar að vera þar fremst í flokki.

Fyrir þá sem vilja hefst gleðin klukkan 17.00 því Soffía - Félag heimspekinema bauð okkur með í vísindaferð í Ölgerð Egils Skallagrímssonar. Þar mun starfsemi fyrirtækisins vera kynnt og okkur boðið að smakka á framleiðsluvörum þeirra. Mæting er klukkan 17:00 stundvíslega að heimkynnum þeirra, Grjóthálsi 7-11 (110 Reykjavík). Eftir vísindaferðina mun rúta sækja okkur og keyra okkur á óákveðinn áfangastað (Miðbæinn, þau fara í partý eða fara á Celtic). 

skráning í ferðina er via email : [e-mail]

Við í Artímu viljum þó ólm fá ykkur með okkur að því loknu þó að heimspekinemar séu ótrúlega skemmtilegir líka. 

Við ætlum að byrja á því að fara á Listasafn Íslands kl. 20.15 því þar hefur HBR veitt okkur þann heiður að halda kynningu á blaðaútgáfunni okkar, ArtímaRiti, ásamt Sjónauka-stúlkunum Önnu Júlíu og Karlottu. Þar á eftir er erindi Benedikt Hjartarson - Um átakapunkta í íslenskri nútímalist á 3. og 4. áratugnum - Hversu íslensk er íslensk menning? Um flöt og fleyguð rými í íslenskri fagurfræðiumræðu 3. og 4. áratugarins (TOPPIÐI TITILINN). 

Svö örkum við sem leið liggur upp Laugarveginn kíkja á söfnin og Gallerýin sem verða opin til EITT ! Endilega komið og hittið á okkur og verið samferða, þetta er svo skemmtilegt og tilvalið kvöld til að hittast. Kynnið ykkur allar dagskrár og komið með tillögur um hvert væri gaman að líta inn. Þegar við erum orðin Köld og svöng förum við til Heiðars á Lindargötunni (ef heilsa hans leyfir) og fáum okkur pylsu og Slots bjór. 

Við hlökkum til að sjá ykkur! 

Artíma

List @ Netheimar.net - MÁLÞING ARTÍMU OG TORFHILDAR

MÁLÞING TORFHILDAR og ARTÍMU
félags nemenda við menningarskor:

[e-mail]

fer fram í Aðalbyggingu Háskóla Íslands, stofu 225, föstudaginn 1. febrúar kl. 16-18.

Fundarstjóri er Gróa Björg Gunnarsdóttir, formaður Torfhildar.

Dagskrá
Gottskálk Þór Jensson, skorarformaður menningarskorar, opnar málþingið.
1. Gunnþórunn Guðmundsdóttir. Lektor í bókmenntafræði.
2. Jóhanna Björk Sveinbjörnsdóttir, Sigríður Agnes Sigurðardóttir og Sigríður Nanna Gunnarsdóttir. Háklassasamskiptalist.

- - - Hlé - - -

3. Hjördís Alda Hreiðarsdóttir og Kjartan Yngvi Björnsson. Skrif og óskrif í netheimum.
4. Ásgeir H. Ingólfsson. Örgjafi öreiganna: Er internetið andlega gjaldþrota?

Stuttar umræður eru eftir hvert erindi og boðið verður upp á veitingar í hléi.

Aðgangur er ókeypis og allir eru velkomnir!

- Stjórn Torfhildar og Artímu -

Sveinbjörn býður til afmælisveislu

Sveinbjörn býður til afmælisveislu :

- - - - - - - - -

Kæru samnemendur og velunnarar!

Í tilefni af aldarfjórðungsafmæli mínu þann 26. janúar síðastliðinn býð ég ykkur í skrall á heimili mínu, Nesvegi 76, laugardaginn 2. febrúar næstkomandi. Mæting er upp úr 8, ég sé um snakkið og þið mætið með drykki að eigin vali og góða skapið. Vonast til að sjá ykkur sem flest.

Sveinbjörn Hjörleifsson

P.S. Ef þið komið með rauðvín getið þið því miður ekki verið í stofunni þótt ykkur sé að sjálfsögðu velkomið að vera alls staðar annars staðar!

- - - - - - - - - - - -

kveðja
Artíma

Artý-Partý

Sælar heillirnar mínar

Við í Artímu, undir dyggum stuðningi Snorra, ætlum að bjóða ykkur til veislu á föstudaginn kemur, 25.janúar.

Gleðin hefst upp úr klukkan átta heima hjá Snorra, á Holtsgötu 13 4.h.h., 101 Reykjavík.
Sólveig Ása hefur lofað skreytingum og við hin saltstöngum. Það eina sem þið þurfið að hugsa um er að koma með sjálf ykkur og uppáhalds drykkinn ykkar.

Nýnemar eru sérstaklega boðnir velkomnir.
Hlökkum til að sjá ykkur.

ARTÍMA og SNORRI

ps.
Heyrst hefur af Listaháskólagleði sama dag. Sýning og partý 1. og 2. árs skólans alls. Við erum að kanna grundvöll þess að tefla þessu tvennu saman. Fylgist með !

Flúxus Tónverk á Nýló

Tónverk eftir hinn heimsþekkta Fluxus-listamann Philip Corner verða flutt kl. 20:00 n.k. laugardagskvöld, 19. janúar í Nýlistasafninu.
Aðgangur er ókeypis.

Um er að ræða spennandi og óvenjulegan atburð sem vert er að gefa sér tíma til að upplifa.

Ef áhugi myndast eru meðlimir Artimu tilbúnir að hóa saman á barinn að flutningi loknum.

Sjáumst
Artíma

og við minnum enn á að félagið starfar einungis fyrir ykkur

Artímu Bíó

Á morgun, 16.janúar  klukkan 20.30 verður fyrsta ArtímuBío ársins. Við höfum ekki fengið fast-úthlutaðri stofu en gerum ráð fyrir að vera í stofu 205 í ODDA. Við látum ykkur vita á morgun hið fyrsta. 

Við ætlum að sýna myndina No Restraint eftir hinn kunna listamann Matthew Barney. Björk Guðmundsdóttir leikur í myndinni ásamt honum sjálfum. 

Hér er heimasíða myndarinnar fyrir þá sem eru áhugasamir:

www.matthewbarneynorestraint.com

 Munið að Artíma er til fyrir ykkur

Sjáumst 

Jóhanna Björk og Artíma

Davíð Örn í Gallerý Ágúst -

Fréttatilkynning

Davíð Örn Halldórsson opnar einkasýningu sína absalút gamall kastale
í Galleríi Ágústi laugardaginn 12. janúar kl. 16.

Gallerí Ágúst fagnar nýju ári með ævintýralegri málverkasýningu Davíðs Arnar Halldórssonar. Davíð Örn er þekktur fyrir að nota djarfa liti og óhefðbundin efni í verk sín svo sem bílalakk, olíupastel og úðabrúsalakk til þess að ná fram sterkum frásagnaráhrifum. Hann málar gjarnan á fundið efni, oftast viðarplötur en einnig vinnur hann beint á veggi og vinnur m.a. stóra veggmynd beint á veggi gallerísins á þessari sýningu.

Á síðasta ári gerði Davíð Örn Halldórsson víðreist. Hann var í hópi íslenskra listmálara sem voru valdir til að sýna á HangArt-7 sýningunni í Salzburg í haust þar sem verk hans vöktu mikla athygli. Hann sýndi einnig í New York og Reykjavík en í Moskvu var sett upp geysistórt veggverk eftir málverki hans á Rozamira listahátíðinni í Rússlandi.

Sýningin absalút gamall kastale opnar 12. janúar n.k. kl. 16 og stendur til 23. febrúar. Gallerí Ágúst er opið miðvikudaga til laugardaga 12-17 og eftir samkomulagi.

Allar nánari upplýsingar eru veittar með ánægju í síma 578 2100 eða 869 2013.
Virðingarfyllst,
Sigrún Sandra Ólafsdóttir

Gallerí Ágúst
Baldursgötu 12
101 Reykjavík
578 2100 / 869 2013
[e-mail]
www.galleriagust.is

Mið-laug 12-17 og eftir samkomulagi.
Wed-Sat 12-17 and by appointment.

Bjórkvöld og sýningaropnun

Sæl og gleðilegt ár,

Við vonum að allir hafi haft það gott um jólin og áramótin og séu tilbúin í gleðina sem er framundan á árinu.

Á Listasafni Reykjavíkur á fimmtudaginn kemur klukkan 17.00 er opnun á sýningu Steingríms Eyfjörð, Lóan er komin. Þetta er sýningin sem var sett upp á Feneyjar Tvíæringnum í sumar. Vegna þeirrar nýbreitni safnsins að hafa opið lengur á fimmtudgöum ætlum við að hittast í Hafnarhúsinu, klukkan 20.00, kíkja á sýninguna og spjalla.
Við vonumst til að sjá sem flesta! List á heimsmælikvarða. Frábær félagsskapur, bjór og vín, kaffi og spjall er það sem að við leitumst eftir.

Ég minni ykkur á dagatal Artímu á netinu sem er uppfært reglulega með öllum helstu viðbuðum.

Munum : Artíma er ekkert án ykkar!

mbk

-artíma

Gleðileg jól

Meðlimir Artímu óska ykkur gleðilegra jóla.
Við þökkum ykkur fyrir góðar stundir á skólaárinu og hlökkum til að hefja nýtt ár af fullum krafti og vonumst til að sjá ykkur sem flest og sem oftast.

með bestu jólakveðju,
Artíma

Jóhanna, Karina, Heiða, Heiðar og Sólveig