Aðalfundur Artímu

Nú er skólaárinu að ljúka og þar með stjórnartíð okkar í Artímu. 

Árið verður gert upp á Aðalfundi félagsins miðvikudaginn 23.apríl, kl. 20.00 -  sem er síðasti vetrardagur á 3.hæð Barsins, við Laugaveg 22. 

Á fundinum verður kosið til nýrrar stjórnar fyrir næsta skólaár. Ef þið hafið áhuga á að bjóða ykkur fram væri gaman að heyra frá ykkur áður en við mætum á fundinn en einnig kemur til greina að bera upp framboð á fundinum. Mikilvægt er að sem flestir nemendur mæti svo kosningin geti farið lýðræðislega fram.

Kosið verður í eftirfarandi stöður:

 -Formaður

-Gjaldkeri

-Meðstjórnandi

-Ritari

-Ritstjóri Artímarits

 skv.8 grein laga Artímu er dagskrá aðalfundar svona: 

8.1          Skýrsla fráfarandi stjórnar.

8.2          Reikningar lagðir fram.

8.3          Lagabreytingar teknar fyrir.

8.4          Kosningar í stjórnar, ritnefndar og annara nefnda, ef einhverjar eru.

8.5          Ákvörðun um félagsgjöld.

8.6          Önnur mál.

Eftir fundinn sitjum við saman og spjöllum. Síðar um kvöldið hefjast tónleikar á Barnum í tónleikaröð sem þeir kalla Unity. Þrjár HipHop hljómsveitir spila og DJ í framhaldinu af því. Kvöldið er kjörið til þess að líta uppúr skólabókunum, taka dansspor og fagna góðu komandi ári undir nýrri stjórn. 

Við vonumst til að sjá sem flesta,

Fráfarandi Stjórn Artímu

Jóhanna Björk Sveinbjörnsdóttir, formaður

Karina Hanney Marreno, varaformaður og ritari

Heiða Björk Árnadóttir, gjaldkeri

Sólveig Ása Tryggvadóttir, fulltrúi nýnema 

Heiðar Kári Rannversson, meðstjórnandi / ritstjóri ArtímaRits

 

 

 

 

 

Myndlistarkvöld og öl

Það er komið að síðasta bjórkvöldi Artímu í vetur á fimmtudaginn kemur, 17.apríl. klukkan 20.00.

Við ætlum að hafa það frábært og fara á Nýlistasafnið, á Laugavegi 26.

Við mætum þangað klukkan átta þar sem tekið er á móti okkur og við frædd um þá starfsemi sem nú er í gangi í tilefni af 30 ára afmæli safnins. Þau vilja ólm fá aðstoð í sumar svo ég kvet ykkur til að mæta og sjá hvað er að gerast. Þetta gæti verið stórkostlegt tækifæri í framalífinu.

Við megum taka með okkur vín eða öl eða hvað svo sem væri og skála þar. Eftir góða kvöldstund á nýló höldum við svo á Ölstofuna að vanda.

 Við hlökkum til að sjá ykkur,Artíma

VísÓ og Teiti hjá Sólu

Ég vill þakka öllum þeim sem komu í VísÓ í Landsbankann og SlotsTeitið....Vona að öllum hafi fundist eins gaman og okkur í stjórninni. Áfram Landsbankinn!

E.S. Það eru komnar inn nokkrar myndir úr PartÝinu :)

Fyrir hönd Artímu

Sólveig Ása

Dagskrá vikunnar: *Síðasta Artímubíóið* & *Vísindaferð á föstudaginn*

sæl veriði,

okkur langaði bara að beina athygli ykkar á dagskrá vikunnar sem hljóðar uppá bíókvöld og síðan vísindaferð! nú er önnin að verða búin og tækinfærin okkar til að hittast fara fækkandi. Síðasta bíókvöldið okkar verður sem segir núna á miðvikud kl: 20.30 hjá jóhönnu (kvisthaga 15), endilega lítið við og glápið með okkur á góða mynd (mynd vikunnar er Taste of tea eftir japanska leikstjórann Katsuhito Ishii) 

Á föstudaginn verður hins vegar vísindaferð í Landsbankann. Mæting er í Hafnarstræti 5, 4.hæð, kl. 17.00.  Boðið verður uppá léttar veitingar. Skráning er hér á vefnum og eru bara takmarkaður fjöldi sæta í boði, svo að endilega skráði ykkur! það verður fjör, svo er aldrei að vita nema við gerum eitthvað skemmtilegt í framhaldinu ef stemmning er fyrir því. 

 mbk-artíma

Árshátíðarmyndirnar

Árshátíðarmyndirnar eru komnar inn á síðuna okkar - þær eru hér á tæknaslánni til hægri.
Þið sjáið að við höfum skemmt okkur ansi vel.

Við þökkum þeim sem komu kærlega fyrir yndislegt kvöld og við hlökkum til, að sjá ykkur aftur.

NJÓTIÐ VEL

ARTÍMA

Framlengur frestur greina - 11.apríl nk.

Ritnefnd ArtímaRits hefur ákveðið að framlengja skilafrest greina í annað tölublað ritsins til

 

11.apríl nk.

 

Það er því ekki um seinan að setjast við skriftir og senda okkur grein.

 

Rétt er að leggja áherslu á að ArtímaRit er á allra vörum, eins og kom fram í ávarpi í gær. Fjallað hefur verið um það í stærstu dagblöðum landsins og ritið vakti athygli greinahöfunda Tímairt Máls og Menningar. Í 150 manna veislum kanónu-listaspýra á Akureyri barst Artímarit í tal.

Þess vegna má ekki láta þetta tækifæri fram hjá sér fara ef markið er sett á fræðimennsku af einhverju tagi. Ekki óttast umtalið. ArtímaRit er fyrst og fremst vettvangur fyrir nemendur til að koma hugmyndum sínum á framfæri.Við höfum heyrt nemendur kvíða birtingu greina sinna í "alvöru" tímariti, að greinar okkar séu ekki nægilega góðar. Við hlustum ekki á slíkt. Ef þið eruð ánægð með einhverja grein þá er hún ekkert verri en einhver önnur. Einhversstaðar þarf líka að byrja. Artímarit er kjörinn stökkpallur... yfir í stærri og opnari miðla, eins og t.d. Sjónauka ;)

 Svo, Íslandstengt efni um myndlist af hverju tagi sem vera má óskast hér með.

Ég endurtek að skilafrestur er 11.apríl nk.

 

f.h. ritnefndar

-ÁRSHÁTÍÐ ARTÍMU-

Nú er það staðfest! Árshátíðin verður sem hér segir:

 

 

(Plakatið gerði Geoffrey Þ. Huntingdon ([e-mail]))

Blóðgjöf er lífgjöf

Artíma minnir ykkur á að mars er blóðgjafamánuður í Háskólanum.

Fyrir þá sem hafa tök á er ekkert sjálfsagðara en að gefa blóð. Sjálf er ég ein af þeim. Þetta tekur 20 mínútur. 20 mínútur sem gætu gefið einhverjum öðrum líf. Það er ekki mikið.

ég hvet ykkur hér með.
Fólk í hugvísindadeild er gæðablóð. Sýnum það í verki.

Kveðja
Jóhanna Björk
formaður Artímu og blóðgjafi

Árshátíð

Kæru elskur,

Artima heldur ÁRSHÁTÍÐ 28.mars.

Takið daginn frá fyrir góða kvöldstund.

Nánari upplýsingar berast fljótlega en gaman væri að fá viðbrögt við mætingu og áhugasamir komið með tillögur að skemmtiatriðum og fleiru.

hátíðarkveðjur

Artíma

Artímu-Bíó - ath. ný mynd

Næsta Artímu-bíó verður með nýstárlegu sniði. Við ætlum að hafa það enn notalegra en áður því við verðum í sófanum heima.

sem sé : 

Á miðvikudaginn kemur, 20.febrúar, kl. 20.30 ætlum við að hittast heima hjá Sóleigu Ásu (á Eggertsgötu 32 íbúð 302) . Við poppum og kaupum kók handa ykkur , nokkuð sem ekki er leyfilegt í stofunum í Háskólanum.

Við ætlum að horfa á :      Solation Service, eftir Eija-Liisa Ahtila

Falleg og ljóðræn myndlist í videoformi. Þau ykkar sem voruð í námskeiðinu Kvikmyndlist hjá Hlyn í fyrravetur (jafnvel líka núna) ættuð að kannast við þetta. Verkin hennar eru t.d. stundum sett upp á tveimur skjáum (undarlegt í ft þetta orð)

 

Hlökkum til  að sjá ykkur,

Artíma